Қызды ұрлағандар да бірнеше рет кешірім сұрап, шағымды кері алуға өтініш жасаған. Тіпті қызды көндіруге құзіретті органдар да атсалысқан көрінеді. Артынша жағдай түзелмегеннен кейін ұрлықшылар қыздың бауырымен төбелесіп, бауырының үстінен арыз жазған. Осылайша қызды арызын кері алсын деп бопсалаған.

Іс әскери тергеу мекемесіне берілгенімен, ары қарай ешқандай шаралар қолданылмапты. Артынша іс қайтадан Алатау аудандық ішкі істер бөліміне тапсырылғанымен, құжатта ұрлауды ұйымдастырған әскери адам екені айтылмаған.

Сәтбаевтағы жағдай: "Ұрлау" және "Зорлау" баптары бойынша іс қозғалды

Оралдағы 6 жасар қызды ұрлау әрекеті: Баланың ата-анасы оқиғаның қалай болғанын айтып берді

Бас прокуратура, әскери прокуратураға хат жазған кезде істің прокурор тарапынан тоқтатылғаны анықталған. Алайда қыздың өзі бұдан хабардар емес еді. Осылайша адам ұрлау бабы бойына ашылған қылмыстық іс аяқсыз қалды.

Оқиғаға қатысты Алматы облыстық полиция департаменті түсініктеме берді. Күдікті қызды кері әкеліп, бостандыққа жібергенін алға тартты облыстық полиция басқармасы.

"Қызды ұрлау дерегі бойынша қылмыстық іс ҚР ҚІЖК 35-бабының 1-бөлігі 2-тармағына сәйкес 2020 жылғы 20 қыркүйекте іс-әрекетте қылмыстық құқық бұзушылық құрамының болмауына байланысты тоқтатылған, себебі күдікті туыстарының тойға қарсы екенін және органдарға хабарласқандарын біліп, қызды қайтадан полицияға келіп тапсырған. Яғни, оның іс-әрекетінде ҚР ҚК 26-бабында көзделген ерікті түрде бас тарту бар", - дейді облыстық полиция департаментінің баспасөз қызметі.

Еске салсақ, осыған дейін Алматы облысында "қалыңдық" ретінде алып қашқан қыз оқиға туралы айтып берген болатын.

Талқылау