Гүлжамал ханым 5 жыл бұрынғы оқиғаның отбасы үшін ауыр соққанын мойындайды. Қызының денсаулығы, күнделікті күйзеліс, көпшіліктің қаңқу сөз, ешқайсысы оңай тимеген. Алайда ешбіріміз сөзге мән бермедік. Тек Баянның денсаулығын ойладық дейді.

“Мен аурухана кіргенде Баян есін біліп жатты. Ол екінші күні-ақ есін жинады. Бірақ бетіне қарау мүмкін болмады. Адам қарағысыз, аярлықтай еді. Мен кірдім де жыладым. Баян маған ұрысты. Жылама деді. “Мені аяудың керегі жоқ. Бұл махаббат, мама” деп күлді. Мен махаббаттың күшімен қайта тұрамын деді. Мен бірден өзімді жинап алдым. Жыламау керек екенін түсіндім. Шынында да оның махаббатына сендім”, – деді анасы.

Баян Мақсатқызы: Мен Айсәулені босанғанда өлемін деп ойладым, қоштаспақ болып анамды шақырттым

Баян Мақсатқызының анасы: Баянды туғанда ұл екен деп перзентханадағыларға “ұлды беріңдер” деп ұрыстық

Гүлжамал ханым бұл ретте күйеу баласы Тұрсын Алагөзовке алғысын айтады. Оның қолдау Баянға өте қажет еді деп мойындайды.

“Тұрсын жансақтау бөлімінде қонды. Күні-түні қасында болды. Бізге қайта беріңіздер, мен қараймын деді. Біз кезекпен келдік. Елдер небір әңгіме айтып жатты. Ешқайсысына мән бермедік. Бізге тек Баян маңызды болды. Ол жансақтау бөлімінде бірнеше күн жатты. Өлім мен өмір арасында арпалысты. Оны аман қалуын тіледік. Расында да Баян тез жиналды. Махаббаты әсер еткен шығар. Біз емес, ол бізге басу айтты”, – дейді ол.

Гүлжамал ханым үнемі балаларының амандығын тілеп дұға етеді. Қыздарына “аман болыңдар” деген сөзді жиі айтады. Мұны қыздары да мойындайды. Ал Баян Мақсатқызы қыздарыма сендерді жақсы көремін деген сөзді жиі айтады. Егер балаларыма бір сөз айтсам, ол оларды “жақсы көретінім” дейді продюсер Баян.

Талқылау