Altyn Bank және BI Group Қазақстандағы алғашқы коммерциялық жылжымайтын мүлік ипотекасын іске қосты

Фото авторы: Малика Буланова

Altyn Bank BI Group Холдингімен бірлесіп Қазақстандық нарық үшін бірегей өнім – коммерциялық жылжымайтын мүлікке арналған ипотеканы іске қосу туралы келісімге қол қойды. Бұл бағдарламамен кәсіпкерлер кеңсе үй-жайларын қосымша кепілсіз және ең аз құжаттар пакетімен 10 жылға дейінгі қарыз арқылы сатып алуға мүмкіндік алады.

"Коммерцияға арналған Ипотека" бағдарламасы Астана, Алматы, Шымкент және Атырау қалаларындағы BI Group компаниясының үлестік қатысу шарттары бар жаңа нысандарына қолданылады.

"Altyn Bank компаниясының коммерциялық жылжымайтын мүлік ипотекасы – бұл кәсіпкерлерге ағымдағы бизнес мәселелерін шешуге ғана емес, сонымен қатар өз бизнесінің тұрақты болашағына инвестиция салуға көмектесетін құрал. Біз әрбір клиент өз жұмыс кеңістігіне ие бола отырып, сенімді дами алатындай, ЖК ерекшелігіне бейімделген түсінікті және икемді шарттарды ұсынамыз", - деді "Altyn Bank" АҚ Басқарма төрағасының орынбасары Динара Арслан.

"Осы уақытқа дейін кәсіпкерлер тұтынушылық несиеге жүгінуге мәжбүр болды. Бұған дейін нысандардың жартысы қысқа мерзімге бөліп төлеу тәслімен және бизнеске жоғары борыштық жүктемемен сатып алынған болатын. Енді сатып алушылар төлем сомасын төмендете алады. Алғаш рет дамуға инвестиция салудың қолжетімді және ашық құралы пайда болды. Осылайша, бизнес-тәуелсіздікке жол салу оңайырақ болатын болды", - деп атап өтті BI Finance директоры Нұрлан Оңғарбаев.

Бағдарламаны кем дегенде 12 ай бұрын тіркелген, сондай-ақ жеңілдетілген салық салу жүйесі немесе патент бойынша жұмыс істейтін жеке кәсіпкерлер пайдалана алады.

Шарттары:

Несиелеу мерзімі: 1 жылдан 10 жылға дейін
Қарыз сомасы: 200 млн теңгеге дейін (нысанның құны - 400 млн теңгеге дейін)
Бастапқы жарна: 50% бастап
Мөлшерлеме: 0,1%-дан 17%-ға дейін (ЖТСМ 0,1%-дан 18,4%-ға дейін)

Артықшылықтары:

Құрылыс кезеңінде қосымша кепілдік талап етілмейді
Онлайн жол: банк тарапынан шешім 5 минутта қабылданады
Тек 2 құжат қажет
Жанама табыспен ресімдеу мүмкіндігі
ЖК кез келген қызметі
Несиені қарау комиссиясы жоқ

Есептеу мысалы:

Жылжымайтын мүлік құны - 55 711 500 тг
Бастапқы жарна - 50%
Жылдық сыйақы мөлшерлемесі - 16%
Ай сайынғы төлем - 490 000

Коммерциялық жылжымайтын мүлік ипотекасы өсуді, ұлғаюды көздейтін, өз ісіне қосымша кедергілерсіз инвестиция салғысы келетін кәсіпкерлерге мүмкіндіктер ашады. Ипотека алу туралы мәліметтерді сату бөлімдерінен және BI Group порталынан немесе AltynBank сайтынан білуге болады.

Анықтама

"Altyn Bank" АҚ (China Citic Bank Corporation Ltd ЕБ) – корпоративтік және жекелеген клиенттерге арналған өнімдер мен қызметтердің толық спектрі бар әмбебап коммерциялық банк. Банк жеке тұлғаларға Altyn-i цифрлық банкингі арқылы қызмет көрсетеді. Ал активтер мөлшері бойынша 13-орында. Сонымен қатар қазақстандық коммерциялық банктер арасында ең жоғары рейтингтерге ие (Fitch – "BBB", Moody ' s – "Ваа3"). Оның: Алматы, Астана, Атырау, Шымкент, Ақтау, Астанадағы халықаралық қаржылық орталығымен қоса алғанда алты филиалы бар.

ҚР АРРФР лицензиясы № 1.1.114, № 3.3.254/46 23.10.2024 ж.

BI Group – ең ірі құрылыс және инвестициялық әзірлеуші. Қазақстанда, Өзбекстанда, БАӘ мен АҚШ-та жобаларды жүзеге асырады. Холдинг ENR нұсқасы бойынша Top-250 Global Contractors жаһандық рейтингіне кіреді және Fitch халықаралық кредиттік рейтингін тұрақты болжаммен BB деңгейінде алған құрылыс секторының бірінші отандық өкілі болып табылады, бұл оның қаржылық моделінің тұрақтылығын растайды.