“Алтыналмас АК” АҚ “Майқайыңалтын” АҚ-ны сатып алу процесін аяқтады
Алтыналмас АК" АҚ "Rense Enterprises Limited"-ке тиесілі болған "Майқайыңалтын” АҚ ның жарғылық капиталындағы 100% үлесін сатыпалу мәмілесін сәтті аяқтады. Кәсіпорынның "Алтыналмас" компаниялар тобына қосылуы оның тұрақты дамуын қамтамасыз етіп, өнеркәсіптік қауіпсіздік деңгейін арттырады және тау-кен өндірісін тиімді жалғастыруға жағдай жасайды.
2024 жылдың сәуір айында "Майқайыңалтын” АҚ акционерлері мен "Алтыналмас АК" АҚ арасында келісім орнағаннан кейін кәсіпорынға "Алтыналмас" тобының жоғары білікті мамандары тартылды. Олардың басты міндеті – апат салдарын жою, өндірістік қуаттылықтарды қалпына келтіру, инфрақұрылымды жаңғырту және барлық процестерді жоғары қауіпсіздік стандарттарына сәйкестендіру болды.
2024 жылдың тамыз айында кәсіпорында құрылыс-жөндеу жұмыстары басталды, ал қазан айында "Майқайыңалтын" АҚ кенорны қызметін қайта жандандырып, қараша айына қарай жоспарланған көрсеткіштерге қолжеткізді. Бұған қоса, бетон толтырмалау кешені іске қосылып, қызметкерлердің әкімшілік-тұрмыстық жағдайларын жақсарту бойынша жұмыстар жүргізілуде. Келешекте өндірісті одан әрі жаңғырту және еңбек тиімділігі мен қауіпсіздігін арттыруға бағытталған инновациялық технологияларды енгізу жоспарлануда.
Қазіргі уақытта кәсіпорында өнеркәсіптік қауіпсіздік деңгейін арттыру, өндірістік әлеуетті дамыту, сондай-ақ қызметкерлердің еңбек жағдайларын жақсарту және әлеуметтік қолдау шараларын іске асыру бойынша жұмыстар жүргізілуде. Бүгінде компания қызметкерлерінің 95%-ы аймақтың жергілікті тұрғындары болып табылады.
"Майқайыңалтын" компаниясын сатып алу – "Алтыналмас" тобының Қазақстанның алтын өндіру саласындағы позицияларын нығайтуға бағытталған стратегиялық маңызды қадамы.
"Алтыналмас АК" АҚ – Қазақстанның жетекші алтын өндіруші компанияларының бірі және елдегі ең ірі алтын өндірушілері үштігініңқатарына кіреді. Компания геологиялық барлау жұмыстарынан бастап бағалы металды өңдеуге дейінгі толық өндірістік циклді жүзеге асырады, бұл оныңтұрақтылығы мен тиімділігін қамтамасыз етеді. "Майқайыңалтын" компаниясының "Алтыналмас" тобына қосылуы компанияның ресурстық базасын кеңейту, орнықты өсуін қамтамасыз ету және өңірдің әлеуметтік-экономикалық дамуы үшін жаңа мүмкіндіктер ашады.