"Алтын Орда" базары директорының орынбасары ұсталды: Полиция қару мен ұнтақ зат анықтаған
2 маусым күні таңертең полиция ішінде травматикалық қару мен ұнтақ заттар бар BMW көлігін анықтап, ішіндегі адамдарды ұстады. Бұл туралы Stan.kz ақпарат агенттігі хабарлайды.
Алматы-Бішкек автожолында Қарасай ауданының полиция қызметкерлері BMW-ді ұстады. Жолаушылардың бірі – “Алтын Орда” базары директорының орынбасары.
"Тінту барысында жолаушыдан ерекше иісі бар ақ ұнтақ зат табылды, сондай-ақ басқа жолаушыдан МК-471С травматикалық тапаншасы тәркіленді", – деді ПД.
Сот-химиялық сараптама тағайындаумен тергеу әрекеттері жүргізіледі.
Фактілер ҚР ҚК 287-бабының 3-бөлігі “Қаруды, жарылғыш заттарды, оқ-дәрілерді заңсыз сақтау” және 296-бабының 4-бөлігі “Есірткі, психотроптық заттарды өткізу мақсатынсыз заңсыз жұмыс істеу” бойынша тіркелген.
Естеріңізге салсақ, “Алтын Орда” базары басшыларының бірі ұсталғаны хабарланды.
Талқылау