Алматы тұрғыны интернет арқылы Батырхан Шүкеновтың жеке куәлігін саудаға шығарып жатыр
Алматыда марқұм болған танымал қазақстандық әнші Батырахан Шүкеновтың жеке куәлігін сатпақ болған адам ұсталды. Бұл туралы КТК хабарлайды.
Сатушының сөзінше, ол төлқұжат дайындау мекемесінде істеп жүрген кезінде 2007 жылы Шүкеновтың жеке куәлігін ауыстырып берген екен. Қазақстандық хабарландыру сайттарының біріне әнші жеке куәлігінің суретін жариялаған сатушы, оны 1000 долларға бағалаған.
“Жылы естелікпен қалды (ешқандай күші жоқ құжат). Қолтаңбадан да жоғары тұрады. Түпнұсқа”, – деп жазады сатушы.
Заңгерлердің айтуынша автор енді осы әрекеті үшін жауап береді. Себебі мерзімі біткен құжаттың көзі жойылуы тиіс. Егер ол қызметтік өкілеттілігін пайдалану арқылы пайда тапқысы келсе, және онысы дәлелденсе онда 4 жылға дейін сотталып кетуі де кәдік.
Жіберіп алмаңыз:
Алматы хайуанаттар бағындағы жануар дауылдың құрбаны болды
Ақтөбелік жігіт жат ағымның жетегіне қалай түскенін айтып берді
Ақтөбелік дәрігерлер сал болып қалған баланың ата-анасынан 4,5 миллион теңге өндіріп алмақ
Астана тұрғыны жанжалдасқан адамның көзіне қайшы тығып, ағызып жіберді