Алматыдан 108 шақырым жерде жер сілкінді
Жерасты дүмпулерін сейсмикалық станциялар желісі 2 сәуірде Астана уақытымен 08:56-да тіркеген. Бұл туралы Stan.kz ақпарат агенттігі хабарлайды.
Фото: www.google.com
"Жер сілкінісінің эпицентрі Алматыдан шығысқа қарай 108 шақырымда Қазақстан аумағында орналасқан. Жер сілкінісінің энергетикалық класы – 9,1, MPV магнитудасы – 4,4", – делінген Қазгидромет хабарламасында.
Қазақстан аумағында жер сілкінісі сезілмегені айтылды.
Еске салайық, 23 қаңтарда Алматыда жер сілкінісі болды. Астана уақытымен 00 сағат 09 мин 02 секундта алматылықтар қатты жер сілкінісін сезді. Төтенше жағдайлар департаментінің мәліметінше жер асты дүмпуінің эпицентрі Алматының оңтүстік-шығысында, 264 шақырым жерде тіркелді. Магнитудасы – 6,7 балл. Бұдан соң тұрғындар қалада тағы да бірнеше жер сілкінісі сезілгенін хабарлады. Ал ТЖД дерегіне сәйкес алдағы уақытта қуатты жер сілкінісі болмайды, сондықтан дүрлігудің қажеті жоқ.