Алматыдағы Көк-Төбе телемұнарасының жанынан қару-жарақтар табылды

Полицейлер Көк-Төбе телемұнарасының жанынан аңшылық қару сақталған қойма тапты, деп жазады ҚР ІІМ баспасөз қызметі. Бұл жөнінде Stan.kz ақпарат агенттігі хабарлайды.

Жасырынған қару-жарақтар "Заң және тәртіп" операциясы аясында табылды. Арнайы үйретілген ит телемұнара жанындағы ағаштардың арасынан екі тегіс ұңғылы мылтық тапты. 

Қарудың қайдан шыққаны мен иесін анықтау үшін сот-баллистикалық сараптамаға жіберілді.

• Алматының орталығынан полицейлер қару-жарақ қоймасын тапты - видео


• Қырғызстанда қару-жарақ толы қазақстандық көлік табылды

"Қару-жарақ жаппай тәртіпсіздіктер кезінде ұрланып, қылмыстық мақсатта пайдаланылған болуы мүмкін", – дейді Медеу аудандық ішкі істер бөлімінің бастығы Дәурен Өтебаев.

Заңсыз қаруы бар азаматтарға оларды өз еркімен тапсыруға рұқсат етіледі, егер осыдан кейін қылмысқа қатысы анықталмаса, ол азамат жазаға тартылмайды.