Алматыдағы ескі автобустар мен троллейбустар аукционда темір-терсек ретінде сатылып жатыр
Фото: Электронды сауда алаңы
Алматы ішінде қатынаған ескі 166 автобус пен троллейбустарды аукционда темірге өткізіп жатыр. Хабарлама Электронды сауда алаңында жарияланды. Бұл туралы Stan.kz ақпарат агенттігі хабарлайды.
Лоттың бастапқы бағасы – 37,6 миллион теңге. Көліктерді пайдалануға жарамсыз болғандықтан, оларды темірге өткізіп жатыр. Бұл автобустар мен троллейбустар 2008 жылы сатып алынған.
Фото: Электронды сауда алаңы
Қазір автобустар мен троллейбустар Алматы облысында сақталып тұр. Ескі қоғамдық көліктерді сатуды “Алматыэлектротранс” ЖШС ұсынған. Компанияның бас директоры Александр Бейсембиевтің айтуынша, қоғамдық көліктерді сату туралы шешім компанияның жалғыз қатысушысының 2024 жылғы 4 қыркүйектегі шешімі негізінде қабылданды.
Аукцион 2 қыркүйек күні сағат 10:00-де басталады.
Фото: Электронды сауда алаңы
Сатып алушыға қойылған міндет – көлікті шығару жұмыстарын өзі ұйымдастыру керек. Оларды қойма аумағында металл сынықтарға бөлшектеуге рұқсат жоқ. Автобустар мен троллейбустар ғимарат ішінде емес, ашық аспан астында тұр.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
