Аружанның анасы Ақжанар Жүсіпова енді немересіне ана болып отыр. Аружан қызын кеудесіне алмай жатып көз жұмыпты. Бұл келіншектің екінші баласы. Аружан Ким 4-ші перзентханаға ПТР оң нәтижесі және 25% өкпесі зақымданған күйде түскен. Бір аптадан кейін, емделуіне қарамастан, жағдайы нашарлап, реанимацияға ауыстырылды.

"Жүкті келіншектердің қарнын жарады": Сарапшылар тәліптер туралы айтып берді

Балалар мен жүкті әйелдерге вакцина салына ма: Айжан Есмағамбетова екпе жайлы ең өзекті сұрақтарға жауап берді

Содан кейін мерзімінен бұрын толғағы басталған. Аружанның анасы қыздың тыныс алуы қиын болса да, босануға мәжбүр болғанын, дәрігерлердің кесарь тілігі жасау мүмкіндігі болса да, жасамағанын айтады. Босанғаннан кейін Аружан жасанды комаға түсіп, желдеткішке қосылды, бірақ ол көп ұзамай көз жұмған.

“Мен кінәлілердің жазаланғанын қалаймын. Олар мені қызсыз, күйеуін әйелсіз және екі баланы анасыз қалдырды”, – дейді келіншектің анасы Ақжанар Жүсіпова.

Ауруханадағылар кесарь тілігін жасаудың қажеттілігі болмағанын айтады. Оның үстіне науқасты ары-бері тасымалдау мүмкін болмапты. Дәрігерлердің сөзінше, босану жақсы өткен, бірақ келесі күні тыныс жетіспеушілігінің жоғарылауына байланысты Аружанның жағдайы нашарлаған.

“Өкпе зақымдалғандықтан, айналымдағы қан көлемі өкпе арқылы өте алмайды. Өкпе оны көтере алмады. Біз әйелді құтқару үшін қолдан келгеннің бәрін жасадық”, – дейді №4 перзентхананың бас дәрігері Экатерина Самарцева.

Туыстарының айтуынша, Аружанның өліміне қан ұйығышының бөлінуі себеп болған. Олар оның қанды сұйылтатын қондырғыға неге қосылмағанын анықтауды талап етеді.

Соңғы 7 айда елімізде коронавирус жұқтырған 60-тан астам жүкті әйел жан тапсырды. Бұл перзентханада көз жұмған екінші келіншек. Қазір мұнда COVID -пен ауыратын 79 жүкті әйел жатыр, олардың саны өсуде. Дәрігерлер COVID -пен ауыратындар үшін ең қауіпсіз нәрсе – табиғи жолмен босану екенін айтады.

Талқылау