Қазгидрометтің мәліметінше, 16 ақпанда таңертеңнен 17 ақпанға қараған түнге дейін Алматыда жаңбыр түріндегі жауын-шашын болжанып, қалың қарға айналады, ауа температурасы кешке минус 20 градусқа дейін төмендейді. 17 ақпанда түнде минус 22 градусқа дейін, күндіз 17 ақпанда минус 14-ке дейін ал 16 ақпанда таңертең тұман түсіп, жолдарда көктайғақ болады.

“Түнгі уақытта көктайғақтардың алдын алу мақсатында учаскелерде 176 құм себетін машина кезекшілік етеді. Қар тазалау жұмыстарына барлығы 483 арнайы техника мен 1180 жол қызметкері жұмылдырылады. Болжалды көктайғаққа және тротуарлардағы көктайғаққа байланысты көлік жүргізушілері мен жаяу жүргіншілерден сақтық шараларын сақтауды сұраймыз. Жүргізушілерге жылдамдықты азайтуға, көліктер арасындағы қашықтықты арттыруға, түзу сызықты сақтауға және кенеттен маневр жасамауға кеңес беріледі”, – делінген әкімдіктің мәлімдемесінде.

Сондай-ақ әкімдік 17 ақпанға қараған түні жаппай қар тазалауға арналған арнайы техниканың колонналарының жоспарлы өтуіне байланысты жүргізушілерден көліктерін жол жиегіне қоймауды сұрады.

Бұған Қазгидромет 15-17 ақпан аралығында ауа райының қандай болатынын айтқан.

Талқылау