Алматыда газ монополистіне 78 миллион теңге айыппұл салынды
Алматы қаласының прокуратурасы тауарлық газ тарифын төмендетті деп хабарлайды Stan.kz ақпарат агенттігі.
Тексеру нәтижелері бойынша "APL Construction" ЖШС-де бекітілген тарифтік сметаның бұзылуы, сондай-ақ, кварталішілік газбен жабдықтау желілеріне қосылу кезінде жағдайын теріс пайдаланғаны анықталды.
"Қала прокуратурасының қадағалау актісі бойынша тариф 1 мың м3 үшін 6 362,77 теңгеден 5 999,08 теңгеге дейін төмендетілді (5,7%-ға), 184 млн теңге сомасына өтемдік тариф енгізілді. Монополист компания Әкімшілік құқық бұзушылық туралы Кодексінің 159-бабы 3-1 және 164-бөлігі 4-бөлігі бойынша жауапкершілікке тартылды. 78 миллион теңге көлемінде айыппұл өндірілді ", – деп хабарлады қадағалау ведомствосы.
Қабылданған шаралармен Еңбекшіқазақ және Панфилов ауданындағы 11 мың тұтынушыларының құқықтары қорғалды, олардың 300-ден астамы кәсіпкерлер екені белгілі болды.