Алматы театрлары не үшін ашылмады - санитар-дәрігер жауап берді

Нұр-сұлтан театрлары келушілер үшін есігін айқара ашты, бірақ Алматыда мәдениет нысандарының жұмысына әлі де тыйым салынған. Бұл туралы тауарлар сапасы мен қауіпсіздігін бақылау департаменті мәлімдеді, деп хабарлайды Stan.kz ақпарат агенттігі. 

театр

16 қыркүйекте Қазақстанның бас мемлекеттік санитарлық дәрігері залдың 50 пайыздан және 50 адамнан аспайтын театрлардың жұмысына рұқсат берді. Осы қаулыға сүйене отырып, Алматының көптеген театрлары маусымның басталғаны туралы хабарлап, тіпті билеттерді сата бастап еді.

Олардың арасында Абай атындағы МАОБТ, ARTиШОК және Наталья Сац атындағы ЖБМ бар. Алайда, Алматы қаласы тауарлар мен қызметтердің сапасы мен қауіпсіздігін бақылау департаменті бас мемлекеттік санитарлық дәрігердің қаулысы Алматы қаласына байланысты емес екенін түсіндірді.

"Аумақтың (қаланың, облыстың) бас мемлекеттік санитариялық дәрігері сеніп тапсырылған аумақтағы эпидемиологиялық жағдайға байланысты шектеулерді енгізу немесе алып тастау жөнінде дербес шешім қабылдауға құқылы. Театрлар мәдени нысандарға жатады, сондықтан дайындықтарға рұқсат етіледі, бірақ ресми премьералар мен көрермендердің қатысуымен өтетін қойылымдарға рұқсат жоқ. Қалада коронавирустық инфекциямен сырқаттанушылық бойынша эпидемиологиялық жағдай төмендегенмен, тұрақты емес деп бағаланатындықтан, аталған шара сырқаттанушылық көрсеткішін ескере отырып және жүргізілетін профилактикалық және эпидемияға қарсы іс-шараларды одан әрі бақылау, жұқтырудың жаңа жағдайларын тіркеуге жол бермеу мақсатында енгізілді. Сондай-ақ, көрермендердің театрлар мен кинотеатрлардың жабық үй-жайында бір сағат және одан да көп уақыт болу фактісі назарға алынды", - деп түсіндірді ДККБТУ-да.

Сонымен қатар, ведомствоның мәліметінше, Алматының бас мемлекеттік санитарлық дәрігері барлық мәдениет нысандарының қызметіне тыйым салды. Бұл қаулыға 31 тамызда ғана өзгерістер енгізіліп, мәдениет объектілерінің (30 адамнан аспайтын жеке, топтық дайындықтар), кітапханалардың, мұражайлардың қызметіне рұқсат етілді. Басқа өзгерістер болған жоқ, деп хабарлады ДККБТУ.

Естеріңізге сала кетейік, Қазақстанның карантин туралы қаулысына өзгерістер енгізіліп, театрлардың жұмысына рұқсат берілгенін жазған едік. 

Талқылау
Пікір
Қазір оқып жатыр
Çàãðóçêà...
Қазір оқып жатыр