Алматы тауларындағы қар көшкіні: Туристердің бірі табылды

Құтқарушылар қар көшкіні астында қалған бір туристі тапқанын хабарлады. Екіншісін іздеу жалғасып жатыр, деп хабарлайды Stan.kz ақпарат агенттігі.

"Құтқарушылар зардап шегушілердің бірін қар астынан аман алып шықты", - делінген ТЖД хабарламасында.

Алдын ала мәлімет бойынша, зардап шеккен азаматтың иығы шығып кеткен. Іздестіру-құтқару жұмыстарына 31 адам, сегіз техника, екі кинологиялық топ, бір тікұшақ және бір дрон жұмылдырылды.

Айта кетейік, қар көшкіні сәрсенбі күні сағат 13.28-де Іле Алатауы тауларындағы Молодежный шыңы аймағына жүрді.

Бір күн бұрын құтқарушылар Алматы тауларында қар көшкіні қаупі күшейетінін ескерткен болатын.