Алматы облысында 4,6 балдық жер сілкінісі тіркелді

Алматы облысында жер сілкінісі орын алды. Бұл туралы Stan.kz ақпарат агенттігі хабарлайды. 

Жерасты дүмпуі Төтенше жағдайлар министрлігіне қарасты "СОМЭ" ЖШС сейсмикалық станциясында 19 қыркүйекте 06:57-де тіркелген. 

"Жер сілкнісінің эпицентрі Алматының шығысында 149 шақырым жерде, Қазақстан аумағында орналасқан. Жер сілкінісінің энергетикалық класы 10,3. MVP магнитудасы – 4,6", – делінген хабарламада. 

Еске салайық, 5 қыркүйекте қазақстандық сейсмологтар Қырғызстан аумағында болған жер сілкінісін тіркеген еді.