Алматы әуежайына дейін метро желісі іске қосылады

Алматы әкімдігі қала әуежайына дейін метро желісінің іске қосылатынын мәлімдеді. Бұл туралы Stan.kz ақпарат агенттігі хабарлайды.

Фото: ortcom.kz

Қаланың мобильді басқармасының хабарлауынша, жоба әлі де пысықталып жатыр. 

"Қазір "Жібек жолы" метро станциясы Алматы халықаралық әуежайына дейін шығыс бағытта метро желісін трассалау барысы жүйеленіп жатыр", – делінген басқарманың хабарламасында.

Бұған дейін халықаралық әуежай президенті Альп Эр Тунга Ерсой қала билігінің Алматы әуежайына жедел пойызды іске қосу жоспары туралы айтқан еді.

"Қала тұрғындарының Алматы әуежайына жетуі үшін жүрдек пойызбен байланыс орнатуды жоспарлап отырмыз. Сондықтан пойыз Алматы әуежайына жақын жүре алатындай жақсы орынды табуымыз керек", – деді Альп Эр Тунга Ерсой.

• Экономикалық тергеу департаментінің қызметкері достары мен туыстарын Алматы метросына жұмысқа орналастырған

• Алматыда метро жұмысында ақау болды

Алайда әуежай басшысы бұл жүрдек пойыз қашан іске қосылады деген сұраққа жауап бере алмады.

"Алматы әкімдігінің терминал ғимараты пойызды іске қосу бойынша жұмыс істеп жатқанын ғана білеміз. Бұл мүмкіндіктің жүзеге асқанын қалап отырмыз. Себебі жолаушылар үшін әуежайға тезірек жету өте маңызды. Бас жоспарда Алматы әкімдігімен қаланың бас жоспарына сәйкес геолокация туралы шешім қабылдағымыз келеді. Бұл жоба бойынша нақтырақ шешім қабылдап, инвестиция бөлеміз. Біздің басты назарымыз терминал ғимаратының өзі болып тұр. Дегенмен пойыз бойынша шешімнің ертерек қабылданғанын күтеміз", – деп толықтырды Алматы әуежайының президенті.