Кішкенбаев 3 жасар қызын сұлулық салонына апарып, боянуды өзі үйретті (фото)
Алмас Кішкенбаев 3 жастағы үлкен қызы Зерені сұлулық салонына апарды. Аталған салонда бүлдіршін тырнақ күтіміне қатысты процедуралар жасатып, оны өзіне ұнаған түске боятқан.
Фото: instagram.com/kishkenbayev/
Бұл туралы Stan.kz хабарлайды.
Алмас Кішкенбаев жұбайы Мөлдірмен бірге бүгінде екі қыз тәрбиелеп отыр. Тұңғыш қызы Зере 2013 жылы дүниеге келген. Ал кішісі Кәлима әлі бір жасқа толған жоқ.
Әнші үнемі қыздарының ерке қылықтары туралы айтып, бірге түскен суреттерін бөліседі. Сүйіктісі тіс дәрігеріне немесе басқа жерлерге кеткен кезде оларға қуана-қуана қарайлайды екен.
Бұл жолы өзінің сырт келбетіне аса жауапкершілікпен қарайтын Алмас тұла бойы тұңғышын сұлулық салонына апарды. Аталған салонда Зере маникюр жасатты. “Сіздерге рахмет! Зере мәз болып жүр. Достар, өздеріңіздің көңіл-күйлеріңіз қалай?” – дейді ол.
Сұлулық салонында қолын маманға созып отырған Зереге әкесі ғана емес, желі қолданушылары да тамсана қараған-ды. Олар “Қызыңыз қандай тәтті еді! Сүйіп алса ғой бетінен. Көз тимесін”, “Қызыңыз өсіп кетіпті ғой”, “Керемет”, “Жаным, балапаным” сынды пікірлер білдірген.
Жіберіп алмаңыз:
Тыңдармандары Алмас Кішкенбаев қыздарының ұқсастығына қайран қалды
Алмас Кішкенбаев кезекті туындысын сүйіктісіне арнады (видео)