БАРЛЫҚ ЖАҢАЛЫҚТАР

"Көзіммен көрген кереметті анам көрсе екен деп армандадым": Отандық қария баласымен әлем аралап жүр

Көптеген адамдар саяхаттауды армандап, мақсатына айналдырғанымен, көздегеніне жете алмай жатады. Ал жасы ұлғайғанына қарамастан шекара асып,  әлемнің 7 мемлекетін 100 күннің ішінде аралаған Сафар Ербота саяхаттауға ешнәрсенің кедергі бола алмайтынын дәлелдеп, табандылығы мен қайсарлығына көптеген қазақстандықтарды сүйсіндірді. Ол Stan.kz сайтының тілшісіне неліктен саяхатқа шыққанын, қай ел көбірек ұнағанын  айтып беріп, саяхаттағысы келетін қарияларға кеңес берді. 

Сафар Ербота апамыз ұлы Садық Шерімбекпен бірге әлемнің 7 мемлекетін - Өзбекстан, Оңтүстік Корея, Малайзия, Гонконг, Үндістан, Вьетнамды аралады. Болливуд елінің 9 қаласында болып қайтты. 

Саяхатшы апа бар өмірін төрт баласына арнаған. Ұл-қызынан намысты қолдан бермей, ел атына кір келтірмейтін, адал қызмет ететін тұлға ретінде тәрбиелеуге тырысқан. Өз кезегінде ер жетіп, бой түзеген балалары  ана алдындағы борышын толығымен өтей алмаса да, қолдан келгенше барынша тырысып бағып жатыр.

Анасын саяхатқа алып шыққан Садық Шерімбек — экстремалды турист. “Бұл саяхат мен үшін емес, анам үшін жаңа нәрсе. Қазір екеуміз аралап жүрген жердің барлығына келгенмін, барлығында жұмыс істедім. Он жыл бұрын шекара асып, шетелге аттандым. Өз көзіммен көрген кереметтің барлығын анам көрсе екен деген арман пайда болды. Осылай туған жерге қайтып келгеннен кейін, анамды алып шықтым”, - дейді ол. 

Әйтсе де, Сафар апа басында саяхатқа шыққысы келмеген екен. Бірақ балалары ел мен жер көріп келуін сұрағаннан кейін, шетелге аттануға бел буған.

"Кішкентай күнінде Садық маған әлемді көрсететінін, дүние жүзін шарлататынын айтатын. Иә, әлбетте деп қоятын едім. Ер жеткенде балам сөзінде тұрып, ел аралатып жүр. Негізі, мен шетел тұрмақ, өз үйімнен сыртқа қыдырып болсын бір қадам аттағым келмейтін. Үйдегі жайлылықты жақсы көрем. Бірақ осылай ел көруді Құдай бұйыртып тұрған болар”, -дейді апа. 

Қазақстаннан 9 мамыр күні ел аралауға шыққан саяхатшылар, ең алдымен Сафар апаның туған жері Өзбекстанға аттанған.

"Мен өзбектің қызымын. Қай жылдары екенін нақты білмеймін, ата-апам мал шаруашылығының жағдайы жақсы болмағаннан кейін Қазақстанға көшіп кеткен. Өзбекстанда туылсам да, Қазақстанда есейдім. Балаларымның арқасында көрші барып, туысқандарыммен қауышып тұрамын. Осы жолы да Ташкент, Самарқандқа барып, туған жерді көріп қайттым", - дейді саяхатшы қария. 

7 елдің ішінен Сафар апаға Малайзия қала сәнін келтірген ғимараттарымен, алыптығымен бәрінен де қатты ұнаған. Бірақ Үндістандағы Тәж-Махалды көргенде қария әлемде мұндай кереметтің бар екеніне таңырқаған. 

"Тәж-Махалға келгенде Жәннатқа кіргендей боласың. Сансыз әсем бақтар, мешіттің жан-жағына отырғызылған ағаштар, ағып тұрған фонтандар — барлығы сол маңайдың сәнін кіргізіп, Тәж-Махалдың кереметтігін көрсетіп тұр. Не деген кең етіп салған десеңізші! Біз секілді мешітті көруге ұмтылған адам көп: туристі, жергілікті тұрғыны қайсы екенін айту мүмкін емес. Ішіне кіргізерде қызметкерлері біздің үсті-басымызды өте мұқият тексерді. Ішіне кіріп намаз оқыдым, басынан аяғына дейін аралап шыққанша үш сағаттың қалай өтіп кеткенін байқамай қалдық", — дейді Сафар апа. 

Әр елдің мәдениеті, жергілікті халқы саяхатшыға ерекше әсер қалдырған. Мысалы, Оңтүстік Кореяға барып, көрнекі жерлерді аралағанда Чумон патшаға арналған зиярат ету жері таңдай қақтыртқан. 

"Теледидардан сериалын көріп отырып, өміріне таңғалушы едім. Зиярат етуге келген адамдарды көріп ғұмыры босқа өтпегенін, расында мықты адам болғанын түсіндім. Өмірден кеткеннен кейін де соншама адамның басын бір жерде жинау әркімнің қолынан келе бермес", — дейді Сафар Ербота. 

Оңтүстік Корея сарайымен, зиярат етуге арналған жерімен сүйсіндірсе, Сингапур апаны жасыл бақтарымен тамсандырған. "Ұшақ қонатын жердің жанында үлкен әрі әсем бақтары бар екен. Адамдар, сірә, ұшаққа міну үшін емес, сол бақтарды көру үшін барады-ау" , — дейді саяхатшы. 

Әрине, саяхаттау кейде қарт түгілі жастардың өзіне қиынға соғып жатады. Алайда, көптеген мемлекеттерді аралаған апамызға аяғына киген ыңғайлы кроссовкілері шаршамай, рахаттанып жүруге көмек берген. Сафар апа саяхаттағысы келетін қарияларға сапарға аттанар да осы аяқ-киімді сатып алуға кеңес береді. 

"Егер қан қысымы болмаса, денсаулығы жақсы болса шықсын. Бармаймын десе, апарғысы келген баласы қапаланады", — дейді апа. Әр елдің мәдениетімен, тұрмысымен кем дегенде  2-3 күнде танысып үлгерген апа келесі жылы Мекке мен Мәдинаға қажылыққа аттанбақ. 

Соңғы ЖАҢАЛЫҚТАР

Енді Нұр-Сұлтанда: Елордада автобус пен тепловоз соқтығысты (видео)

Абырой болғанда, қоғамдық көліктің ішінде жолаушылар болмаған

"Жағдайы ауыр": Шамалғандағы апаттан зардап шеккен балаға ота жасалды

Дәрігерлер зардап шеккендердің жағдайын ауыр деп бағалап отыр

Қоқыс үйіндісінен табылған 12 жасар қыз босанды

Дәрігерлер оны табиғи жолмен босандырып алған

ІІМ Шамалғандағы ауыр апат туралы: Автобус бағдаршамның қызыл белгісіне өтіп кеткен

Оқиғаға қатысты қылмыстық іс қозғалды

«Мен ешнәрсе істей алмаймын»: Пойыз қаққан автобус жүргізушісінің соңғы сөзі (видео)

Автобус жолаушысы қайғылы жағдайдың алдында не болғанын айтып берді

"Жүргізушінің қозғалатын жері де болмады": Куәгер Шамалғандағы жол апаты туралы

Куәгердің сөзінше, жантүршігерлік апат қас-қағым сәтте орын алған

Алматының ең қарт тұрғыны 106 жасқа толды

Кейуана Алматымен бірге өскенін, шаһардағы өзгерістердің бәрі көз алдында екенін айтады

Премьер-министрге сауал жолдаған: Шамалған тұрғындары бір жыл бұрын пойыздар мәселесіне шағымданған

Тұрғындардың көтерген мәселесіне депутаттар да араласып, көпір салынуын сұраған

"Сахнада жылап жіберді": Батыр Байназаров Ringo тобынан кетті

Ол топқа бірінші болып келген еді

"Головкин жекпе-жекке лайық": Альварестің промоутері үшінші жекпе-жектің уақытын атады

Промоутер: Адамдардың бұл жекпе-жекті тамашалағысы келетіні сөзсіз
Çàãðóçêà...