Ақтөбе облысында үш айлық нәресте коронавирус жұқтырып алды

Кеше Ақтөбе облысында екі адамның коронавирус жұқтырғаны белгілі болды. Олардың біреуі - үш айлық сәби, деп Stan.kz ақпарат агенттігі хабарлайды. 

Облыстық тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметінің мәліметінше, баланың анасы жедел респираторлы вирустық инфекция белгілеріне байланысты дәрігердің көмегіне жүгінген.

"ПТР зерттеулерінің қорытындысы бойынша нәрестеге COVID-19 диагнозы қойылған. Науқаспен қарым-қатынаста болған адамдар медициналық бақылауға алынды. Профилактикалық және эпидемияға қарсы шаралар жалғасады", - делінген хабарламада.

Ақтөбе облысында барлығы 3244 адам коронавирус жұқтырған. Науқастардың 97,7 пайызы жазылып шықты.