Ақтауға ұшақ апатынан зардап шеккен ресейліктерді алып кету үшін Ресейден арнайы борт келді
Ақтау маңында апатқа ұшыраған ұшақта зардап шеккен ресейлік жолаушыларды алып кету үшін Қазақстанға Ресейдің төтенше жағдайлар министрлігінің Ил-76 ұшағы келді. Бұл туралы Stan.kz ақпарат агенттігі “Интерфакс” басылымына сілтеме жасап хабарлайды.
Фото: ТЖМ
Ресейден келген арнайы бортта Центроспас отрядының дәрігерлері де бар.
“Ресей Төтенше жағдайлар министрлігінің арнайы бортымен Ақтауға Центроспас отрядының дәрігерлері, төтенше психологиялық көмек көрсету орталығының психологтары, сондай-ақ Денсаулық сақтау министрлігінің бір топ мамандары мен медициналық құрал-жабдықтарын алып келді”, – делінген хабарламада.
Еске салсақ, Ақтау маңында Бакуден Грозныйға ұшып бара жатқан "Azerbaijan Airlines" әуе компаниясына тиесілі жолаушылар ұшағы құлағаны туралы жазған едік. Желіде ұшақтың ішінде апатқа дейін және кейін түсірілген видеолар пайда болды.
Айта кетейік, Ақтау маңындағы ұшақ апатынан 38 адам қаза тапқаны белгілі болды. Ұшақтағы қазақстандықтардың барлығы көз жұмды.
Талқылау
Қазақстандықтар шоколадтың күрт қымбаттағанына шағымданды: Неліктен тәттіге енді көбірек төлейміз
Соның ішінде ең көп қымбаттағандары: шоколад – 28%, глазурленген кәмпиттер – 13,9%
LRT құрылысы, ғарышты игеру мен спортты дамыту: Министрліктер алғашқы жартыжылдықта бюджет қаржысын қайда жұмсады
2025 жылдың алғашқы жартыжылдығында мемлекеттік бюджет қалай жұмсалғанын жаздық