Апат салдарын жою үшін 306 адам, 101 бірлік техника, 2 әуе кемесі және 6 кинологиялық есептоп жұмылдырылды. Сондай-ақ төтенше жағдайлар, ішкі істер, қорғаныс министрлігінің, ұлттық ұланның, мемлекеттік емес өртке қарсы қызметтің, апаттар медицинасы орталығының, жедел медициналық көмек бригадасының және жергілікті атқарушы органдарды мен Әзербайжан ТЖМ қызметкерлері тартылды.

Еліміздің төтенше жағдай министрлігі Апаттар медицинасы орталығының бригадалары ұшақ апатқа ұшыраған жерде апаттық-құтқару жұмыстарын жүргізуді жалғастырып жатыр. Апаттар медицинасы орталығының психологтары жарақат алғандардың Ақтау қаласына келген туыстарына психологиялық көмек көрсетті.

“Кеше апаттық-құтқару жұмыстарын жүргізу нәтижесінде 29 адам, оның ішінде 3 кәмелетке толмаған бала құтқарылып, Ақтау қаласының медициналық мекемелері мен ауруханаларға жатқызылды. Қаза тапқан 38 адамның мәйіті табылды. Олар медициналық сараптама орталығына жіберілді. Қаза тапқандарыдң ішінде 6 Қазақстан азаматы және 3 экипаж мүшесі бар. 7 адамның денесі анықталды”, – деп мәлімдеді төтенше жағдай министрлігі.

"Ұшақта құрбымның ұлы болды": Әзірбайжандық әнші Роза Зергерлі қазақстандықтарға үндеу жасады

Ақтау жұрты ұшақ апатынан аман қалған ресейліктерді Мәскеуге шығарып салды

Сондай-ақ іздеу жұмыстары кезінде құтқарушылар апат болған жерден қара жәшік тапқан. Оқиға орнында тәулік бойына кезекшілік қойылды.

Ведомствоның мәліметінше, қазір Ақтау қаласында апаттың себептерін тергеу жөніндегі үкіметтік комиссия жұмыс істеп жатыр. Жедел желі телефондарына шұғыл психологиялық көмек және ақпараттық сипаттағы 1 032 өтініш түскен.

Еске салсақ, Ақтау маңында Бакуден Грозныйға ұшып бара жатқан "Azerbaijan Airlines" әуе компаниясына тиесілі жолаушылар ұшағы құлағаны туралы жазған едік. Желіде ұшақтың ішінде апатқа дейін және кейін түсірілген видеолар пайда болды.

Айта кетейік, Ақтау маңындағы ұшақ апатынан 38 адам қаза тапқаны белгілі болды. Ұшақтағы қазақстандықтардың барлығы көз жұмды.

Талқылау