"Қолын тіліп, жазу жазған": Ақтауда жасөспірімдер оқушы қызды қорлап, зорлады деп айыпталды
Әлеуметтік желіде ақтаулық жасөспірімдердің 13 жастағы оқушы қызға зәбір көрсетіп, зорлады деген ақпарат тарады. Бұл туралы Stan.kz ақпарат агенттігі хабарлайды.
Ақтауда бірнеше жасөспірім 13 жастағы мектеп оқушысын мазақ етіп, зорлады деп айыпталды. Желіде тараған ақпаратқа сәйкес, биыл қыркүйек айында болған қылмысқа қатысты ешкім тергеліп, қамауға алынбаған.
Бұл жағдайға қатысты Маңғыстау облысы полиция департаменті жауап берді. Ведомствоның мәліметінше, аталған факті бойынша қылмыстық іс қозғалған.
“Қылмыстық кодекстің 120-бабы 4-бөлімі (Кәмелетке толмағанға зорлау) бойынша қылмыстық іс қозғалды. Қазір болған оқиғаның барлық мән-жайын анықтау үшін кешенді жедел-тергеу іс-шаралары жүргізіліп жатыр. Қылмыстық-процессуалдық кодекстің талаптарына сәйкес басқа ақпарат жарияланбайды”, – делінген жауапта.
- Астанада мас күйдегі жасөспірімдер 16 жастағы қызды аяусыз зорлап, өлтірген
- "Анасы тұрмысқа берген": Қызылордада студент жігіт 15 жастағы қызды бірнеше рет зорлады деп айыпталды
Ведомство қылмыстық істің полиция департаменті басшылығының бақылауында болатынын мәлімдеді.
Бұған дейін Шымкентте ер адам туған қызын 4 жыл бойы зорлап келгені туралы жазған едік.
Супермаркеттер желісі қазақстандық өндірістің макарон өнімдерін сөрелеріне қоюдан бас тартты
