Ақтауда балаларымен бірге подъезде ұйықтаған әйелдің үстінен сотқа шағым түсті (видео)
Қалалық білім басқармасы мас күйде балаларымен бірге подъезде ұйықтаған әйелдің үстінен сотқа шағымданды. Алдағы уақытта әйелдің ата-ана құқығын шектемек. Бұл туралы Stan.kz ақпарат агенттігі Lada.kz басылымына сілтеме жасап хабарлайды.
Балаларымен бірге еденде ұйықтаған әйелге қатысты білім басқармасы шара қабылдағанын мәлімдеді.
"Сонымен қатар бұл іске қатысты материал Ақтау әкімдігі жанындағы кәмелетке толмағандар ісі бойынша комиссияның қарауына жолданды", – делінген ақпаратта.
Еске салайық, үйдің кіре берісінде балаларымен ұйықтап жатқан әйелді тұрғындар видеоға түсіріп алған. Автордың сөзінше, әйел мас болған.
Талқылау