Ақтауда АӘК алуға келген әйелдер бір-бірінің жағаларынан алды (видео)

Ақтау қаласында жұмыспен қамту және қоғамдық бағдарламалар орталығында АӘК-ті беру кезінде жаппай төбелес орын алды, деп хабарлайды Stan.kz ақпарат агенттігі Lada.kz порталына сілтеме жасап.

Әйелдердің жаға жыртысы түсірілген видео әлеуметтік желілерде тарап кетті. 

Видео авторының сөзінше, бірнеше әйел АӘК алып жатқан кезде бір-бірімен жанжалдасып, артынша төбелесіп кеткен. Орталықта балаларға арналған азық-түлік таратылып жатқан.

"Әйелдер мүгедек балалары мен емшектегі сәбилерін тастап осында келуге мәжбүр. Мемлекетке дәл осындай таусылмайтын үш кезектен кейін атаулы әлеуметтік көмекпен қамтасыз етіп отырғанына мың да бір алғыс", - депті видео авторы. 

Бұл туралы орталықтың жетекшісі Гүлнәр Қайырлиева сөз қозғады. 

"Жәрдем тағайындауда ұрыс-керіс болмайды. Тек сол күні екі әйел келіспей қалған", -деді ол. 

Бұған дейін еліміздің бірнеше өңірлерінде АӘК-ті кері қайтармаймыз деп аналар бас көтерген еді.