Ақтау тұрғындары электронды әмиян көмегімен героин сатқан
Ақтауда есірткіні заңсыз сатумен айналысқан қылмыстық топ мүшелері сотталды.
Бұл туралы Lada.kz хабарлайды.
Сотта Ақтау аумағында заңсыз есірткі сатқан бес адамның ісі қаралды. Бұл туралы облыстық қылмыстық істер жөніндегі мамандандырылған соттың жетекші маманы Айжан Сәндібаева айтты.
Іс материалдары бойынша, есірткіге тәуелді адамдар виртуалды әмиянның электронды есепшотына ақша аударып, героин сатып алып отырған. Осылайша, ұйымдасқан қылмыстық топ бес ай бойы есірткіні заңсыз сатумен айналысып келген.
Бес күдікті де ұйымдасқан қылмыстық топ құру, есірткі сату және қылмыстық жолмен алынған ақшаны заңды айналымға тарту баптары бойынша айыпты деп танылды. Олар мүлкі тәркіленіп, 16 жылдан 18 жылға дейін бас бостандығынан айырылды.
Сот үкімі заңды күшіне енді.
Оқи отырыңыз:
Алматы маңында 4,7 баллдық жер сілкінісі болды
Мәскеудегі Ломоносов университеті сырбойылық түлектер үшін грант бөлетін болды