АҚШ-та жолаушылар мінген ұшақ тікұшақпен соқтығысып өзенге құлады: Қаза тапқандар бар (видео)
АҚШ-та Вашингтондағы Рональд Рейган әуежайының жанында ұшақ тікұшақпен соқтығысып өзенге құлады. Деректерге сай, апат болған ұшаққа 64 жолаушы мінген. Бұл туралы Stan.kz ақпарат агенттігі хабарлайды.
Фото: Видео кадрларынан скрин
Жергілікті биліктің мәліметінше, ұшақ апатынан қаза тапқандар мен зардап шеккендер бар. Қазір апат орнында құтқарушылар жұмыс істеп жатыр. Тікұшақтар мен қайықтар жұмылдырылған.
Ұшақта 64 жолаушы болған. Қазір 18 адамның денесі табылған. Ал әзірге аман қалған төрт адамды судан шығарған.
Бұл ретте әуежай әкімшілігі болған оқиғаға байланысты барлық ұшулар мен қонулар тоқтатылғанын хабарлады.
Ал АҚШ әуе реттеушісі Вашингтондағы әуежайда 70-ке дейін жолаушы қабылдай алатын Bombardier CRJ700 және Sikorsky H-60 тікұшағы соқтығысқанын хабарлады.
Еске салайық, 25 желтоқсанда Ақтау маңында Баку-Грозный бағыты бойынша ұшқан AZAL жолаушылар ұшағы апатқа ұшырады. Ұшақ бортында 67 адам болған, оның ішінде экипаж мүшесі бесеу. Апат салдарынан 38 жолаушы қайтыс болды, 29 адам аман қалды. Кейін Оңтүстік Кореяда Jeju Air әуе компаниясының Бангкоктан Муанға ұшатын Boeing 737-800 ұшағы 2024 жылы 29 желтоқсанда апатқа ұшыраған еді. Бортта 181 адам болған, ал экипаждың екі мүшесі ғана аман қалған.
BREAKING: Mid-air collision between a helicopter and commercial jet on approach to Ronald Reagan Washington National Airport. Rescue boats are scanning the Potomac River. pic.twitter.com/ySwHFq9Ej1
— Breaking 4 News (@Breaking_4_News) January 30, 2025