АҚШ-та Капитолийге қайта шабуыл жасалды: Қаза тапқандар бар

АҚШ астанасы Вашингтонда бір адам көлікпен Капитолийге басып кірмек болды, деп хабарлайды Stan.kz ақпарат агенттігі.

Ол көлікпен ғимарат алдындағы тексеру бекетінде тұрған екі полицейді қағып өткен. Салдарынан біреуі қайтыс болды. 

Жүргізуші артынша полицейлерге пышақ ала жүгірген сәтте тәртіп сақшысы оны атып тастады.

Полиция мәліметінше, көлікпен шабуылдаған азамат өміріндегі қиындықтарына мемлекетті кінәлаған Ноа Грин есімді адам болуы мүмкін. Қазір құқық қорғау органдары көлік жүргізушісінің бұл іс-әрекетінің себебін анықтап жатыр.