АҚШ-та қалың қардан 10 мыңнан астам рейс тоқтатылды
Фото: Ru.freepik.com
FlightAware онлайн-қызметінің мәліметінше, АҚШ-та қалың қар жауып, ауа райы қолайсыз болғандықтан 10 мыңнан астам рейс тоқтатылып, кешіктірілді. Бұл туралы Stan.kz ақпарат агенттігі хабарлайды.
“Мәскеу уақытымен сағат 5:10 жағдай бойынша АҚШ ішінде және елге кіретін немесе елден шығатын рейстердің жалпы саны 999-ы тоқтатылып, кешіктірілген рейстер саны 9010-ға жетті”, – делінген хабарламада.
Ассошиэйтед Пресс агенттігінің мәліметінше, Нью-Йорк қаласының кейбір аудандарында 15 сантиметрден астам қар түскен, ал Нью-Йорк штатының кейбір аймақтарында қардың қалыңдығы 25 сантиметрге жеткен.
Нью-Джерси және Пенсильвания штаттарында кейбір жолдарға, соның ішінде көптеген штатаралық автомагистральдарға коммерциялық көліктің қозғалысына шектеу енгізілді.
“Дауыл солтүстік-батыстан оңтүстік-шығысқа қарай жылжып келеді”, – деп ескертті синоптиктер.
2025 жылы болған басты саяси оқиғаларға шолу: Қазақстанда не өзгерді
Қазақстанның ішкі және сыртқы саясатына тоқталдық
Желіде қазақстандықтарға төсбелгілер 350 мың теңгеден сатылып жатқаны туралы ақпарат тарады
“Намыс” және “Батыр Шапағаты” төсбелгілерінің эскиздерін әзірлеген Бақытбек Смағұл төсбелгілерді алаяқтар сатып жүр дейді