Ақмола тұрғыны қайырымдылықты пайдаланып, өмірде "жоқ" балаға көмекке ақша жинаған
Ақмола облысында қайырымдылықты пайдаланып, алаяқтық жасаған күдікті ұсталды, деп хабарлайды Stan.kz ақпарат агенттігі.
Ақмола облысы ПД Криминалдық полиция басқармасының қызметкерлері Алматы қаласының 35 жастағы тұрғынының өтініші бойынша бұрын жасалған қылмысты ашты, деп мәлімдеді полиция. Ақпаратқа сүйенсек, өтініш берушінің айғақтары бойынша, оған белгілі блогер ретінде Ақмола облысының тұрғыны хабарландыру жариялауды сұраған. Әйел блогерге баланы емдеу үшін қаржы қажет екенін түсіндіріп, банк картасының нөмірін берген.
- "Бала-шағамның аузынан жырып, несие төлеп отырмын": Атырауда жарнамасы жер жарған жиһаз компаниясы тұтынушыларды алдап соққан
- Қазақстандық әйел жоқ сәлемдемені жеткізгендерге 2,7 миллион теңге төлеген
"Instagram әлеуметтік желісінде хабарландыру жарияланғаннан кейін және ақша түскеннен кейін Щучинск тұрғыны өзі туралы жалған ақпарат бергені әрі оның балалары жоқ екендігі белгілі болды", - делінген ақпаратта.
Жедел-іздестіру іс-шаралары барысында күдікті анықталды, ол Щучинск қаласының 22 жастағы тұрғыны болып шықты.
Қазіргі уақытта осы факті бойынша сотқа дейінгі тергеу аяқталды. ҚР ҚК 190-бабының 3-бөлігі “Алаяқтық” бойынша қылмыстық іс сотқа жіберілді.