Ақмола облысында сот төрайымын өз пәтерінде тұншықтырып өлтіріп кетті
Көкшетауда Ақмола облыстық сотының қылмыстық істер бойынша коллегиясы төрайымының мәйіті өз пәтерінен табылды.
Бұл туралы Sputnik хабарлайды.
13 маусым күні таңертең Ақмола облыстық сотының жүргізушісі қылмыстық істер бойынша коллегия төрайымы Жанна Бердіғұлованы алып кетуге үйіне келеді. Күте-күте шықпаған соң, телефонына хабарласады, бірақ судья жауап бермейді.
Есікті ашып кіргенде, 46 жастағы әйелдің жансыз денесі табылыпты. Құқық қорғау органдары 99-бап бойынша қылмыстық іс қозғады. Сот алды тергеу ісі жүргізілуде. 33 жастағы күдікті ер адам ұсталған. Жанна Бердіғұлова туған қаласы Алматыға судья болып ауысуға құжат тапсырған екен. Келесі аптада оңтүстік астанаға аттанып кетуі тиіс болатын.
Ақмола облысы полициясы судьяның өліміне қатысы бар күдіктінің ұсталғанын ресми түрде растады.
Құқық қорғау органдары 99-бап бойынша қылмыстық іс қозғады. Сот алды тергеу ісі жүргізілуде.
Полиция хабарлағандай, әйел адамды жуынатын бөлмеде тұншықтырып өлтірген. Жедел іздеу шаралары нәтижесінде сол күні полицейлер Көкшетауда тұратын күдіктіні ұстады. Ол 1984 жылы туған, бұрын ауыр қылмыс жасағаны үшін сотталған. Заттай айғақтар алынып, күдікті қылмысын мойындады. Қазір уақытша ұстау изоляторында отыр, қылмыс себебі анықталуда.
Тағы да оқыңыз:
ОҚО-да тұтастай бір ауыл оқушыларға арнап жаппай хиджаб үлгісіндегі киім тіктірген
Қазақ қызы жігіт мен оның әйелінің ұсынысынан кейін талып қала жаздаған
Астанада таксист қонақүйге жеткізгені үшін неміс азаматынан 19 мың теңге алған