Желіде балаларды шыбықпен аяусыз ұрған қазақстандықтың видеосы тарады

Ақмола облысындағы Атбасар қаласында ер адам балаларды көлігінен шығарып, шыбықпен аяусыз ұрып жатқаны көрсетілген видео тарады. Бұл туралы Stan.kz ақпарат агенттігі хабарлайды. 

Фото желі кадрларынан

Кадрларда ер адам алдымен көлігін тоқтатады. Кейін терек бұталарын жұлып алып, көлігінен балаларды шығарып әрбірін ұра бастаған. Балалардың жағдайы туралы ақпарат жоқ.

Ақпаратты Ақмола облысының полиция департаменті растады.

• "Үш айлық қызын теуіп, жансақтау бөліміне түсірді": Шымкентте ер адам әйелімен жанжалдасып оған күш көрсеткен

• "Әкеммен сөйлескім келмейді": Әйтенов пен Әтешованың балалары психологиялық соққы алған

"Бұл факт Атбасар аумағында орын алды. Полиция қызметкерлері қылмыстық кодекстің 109-бабы "Ұрып-соғу" бойынша сотқа дейінгі тергеп-тексеруді бастады. Бйнежазбадағы адамды анықтау және оны қылмыстық жауапкершілікке тарту бойынша іс-шаралар жүргізілуде", – делінген хабарламада.