Әкімдік Алматыдағы билбордтарда неліктен филиппиндік қыздың тұрғанын түсіндірді

Алматы әкімдігі авторлық құқықты бұзды деген күдікке ілінді. Медициналық маскаларды тағып жүруге шақыратын билбордтарда танымал фотокөрмедегі филиппиндік арудың тегін бейнесі қолданылғаны белгілі болды, деп хабарлайды Stan.kz ақпарат агенттігі.

Freepik сайтында фотосурет көзіне сілтеме ұсынылған жағдайда ғана қыздың суреті бар баннер үлгісі қол жетімді болады. Үлгіні сілтеме жасамастан пайдалану үшін айына 9,99 евро төлеп, сатып алған кезде ғана рұқсат етіледі. Бұл қыздың бейнесі испандық, итальяндық, шығыс еуропалық сайттарда бар.

Оңтүстік астана әкімдігі әлеуметтік жарнаманы орналастыруға қалалық бюджеттен қаражат бөлінбегенін айтты.

• "Есеп пен белгі үшін жұмыс істеудің қажеті жоқ": Алматы тұрғындары қалада пайда болған билбордтарды сынады


• 600 млн теңгені жарнамалық роликтерге бөлген: Денсаулық сақтау министрлігі қажетсіз дүниелерге қомақты ақша жұмсағаны әшкере болды

"Баннерлер қалада ақысыз орналастырылады. Пандемия кезінде коммерциялық сыртқы (көрнекі) жарнамаға деген сұраныс күн сайын азаяды және құрылымдардың үштен екісі бос. Сондықтан, Алматы қаласын абаттандыру ережелерінің 161-1-тармағына сәйкес, коммерциялық жарнама болмаған кезде жарнама қондырғысының иесі өзіне тиесілі бос кеңістікті әлеуметтік жарнамамен толтырады, сондықтан жарнама кеңістігі салық төлеушілерге ешнәрсе әкелмейді.

Маскадағы қыздың суреті ашық көздерден алынған. Тиісінше, ол тегін. Сонымен қатар, маска кию бүкіл әлемдегі өзекті шақыртулардың бірі. Коронавирус үшін ешқандай шекара жоқ. Бұл жағдайда фотосуретті пайдалану заңды", - деп қала құрылысы департаментінің түсіндірмесінде айтылған.