"Әкем мен атам өрттен қаза тапты": Париж Олимпиадасына қатысқан брейкдансер басынан өткен оқиғасын бөлісті (видео)
Париж Олимпиадасына қазақ атынан қатысып жатқан брейкдансер Әмір Зәкіров киген киімінде бейнеленген сурет жөнінде сөз қозғады. Бұл туралы Stan.kz ақпарат агенттігі хабарлайды.
Фото: smi24.kz
Еске салайық, қазақстандық спортшы брейк бәсекесінің ширек финалына дейін жеткен еді. Олимпиададағы өнерінен кейін Закиров өзінің жеке басынан өткен оқиғасымен бөлісті.
"Бұл жолы жарысқа ерекше киіндім. Менің футболкамда балалық шағым өткен жұмысшылар ауылындағы үйімнің фотосы. Өкінішке орай, бес жыл бұрын ол жерде өрт болып, әкем мен атам қайтыс болды. Бүгін мен бұл футболканы "жұмысшы ауылынан шыққан қиын сапарымды көрсету үшін" кидім. Басымнан өткен оқиғаны осылай жеткізгім келді”, – деді спортшы.
26 жастағы Әмір Закиров Петропавл қаласының тумасы. Жұмысшылар ауылы – қала шетіндегі аудандардың бірі.
Айта кетейік, Қазақстан құрамасы Париждегі Олимпиаданы жеті медальмен аяқтады.
Талқылау
“Үш жерде жұмыс істесем де, отбасымды асырауға жетпеді”: Шотландияға кеткен отандасымыз Қазақстандағыдан 10 есе көп жалақы алатынын айтты
Уәлихан Умиров: "2 миллион теңгеден аса айлық аламын"
"5 балам бар": Алматыда хостелдегі 13 адамның өліміне қатысты сотта айыпталушы бас бостандығынан айырмауды сұрады
Адвокаттар бұл істе барлық кінәлі сотқа тартылмағанын айтты