83 мың теңге: Қазақстанда теміржол қызметкерлері мен жолаушыларға маска тақпаған жағдайда айыппұл салынады
Көліктегі бас мемлекеттік санитарлық дәрігер Садуақас Байғабұлов қазақстандықтарды теміржол вокзалдары мен пойыздарда маска режимін сақтауға шақырып, COVID-19 қаупі мен әкімшілік жауапкершілікті еске түсірді, деп хабарлайды Stan.kz ақпарат агенттігі.
"Нұр-Сұлтан-1" теміржол станциясында күту залында маска режимін сақтамағаны үшін бес жолаушыға және екі күзет қызметкеріне, ал "Нұрлы-Жол" теміржол станциясында жеті жолаушыға және бір станция қызметкеріне айыппұл салынды.
- "Пойыздың астына түсіп кете ме деп қорқамыз": Шымкентте оқушылар интернет іздеп теміржол жағалап жүр
Сонымен қатар, нөмірі 44 "Қостанай-Алматы" жолаушылар пойызының "Түрксіб-Астана" ЖШС кондукторына жолаушыларды қолғапсыз және бетпердесіз отырғызғаны үшін айыппұл салынды.
"Жолаушылар тасымалы" АҚ қызметкерлеріне де айыппұл салынды. Біреуі жолаушыларды түсіру кезінде қолғапсыз, ал екіншісі бетпердесіз жұмыс істеді. Жолаушылар мен теміржол қызметкерлеріне 30 АЕК (83 340 теңге) айыппұл салынады. Жолаушылар мен қызметкерлер туралы ақпарат алу үшін басқа теміржол бағыттары мен станцияларында бақылау жүргізілетін болады.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді