Қазақстандық жүктердің Өзбекстан арқылы транзитіне тыйым салынатынын естігенде, ең алдымен, солтүстік қазақстандық ұн тартушылардың құлағы елең етті. Өйткені дәл солтүстіктен Ауғанстанға ең көп ұн жеткізу процесі жолға қойылған. Онда Қазақстанның ұн тарату саласының 2/3 тауарлары сатылады. Бірақ өзбек тарапы, кәсіпкерлердің айтуынша, қазірдің өзінде өнімдерімізді өткізбей отыр. Шекарада ондаған вагон тұрып қалған. Кәсіпкерлер миллиондаған шығынға ұшыраймыз деп дабыл қағуда.

“Жүк кедендік тыйымда тұр. Ұн тез бұзылатын өнім, ал вагондарда шамамен 40 градус температурада болады. Біздің кәсіпорыннан жолға 20 вагон шықты, біз оларды не күтіп тұрғанын білмейміз, осы конвенциялық тыйым күші қашан жойылады, қоймада тағы 16 вагон бар, біз оларды сатып алушыларымызға жөнелтуіміз керек еді, бірақ қолымыздан келмейді, сәйкесінше келісімшарт талаптарын да орындай алмаймыз”, – дейді Астық өңдеушілер одағының СҚО бойынша аймақтық өкілі Таисия Колегова.

Қазақстанда 1975 жылғы жағдай қайталанып жатыр: Құрғақшылық апатын қалай алдын алуға болады?

Қазақстанның сауда министрлігі Ауғанстандағы тұрақсыз жағдайға байланысты жүктерді жеткізуде проблемалар туындағанын мәлімдеді. Бірақ кәсіпкерлер дүрбелеңге түспеуі керек. Бұл мәселе жыл сайын болып тұрады және әрқашан дұрыс шешім табады.

“Өзбекстанда Ауғанстандағы оқиғаларға байланысты Ауғанстанмен шекарада өз өнімдерін түсіруде белгілі бір проблемалар туындады. Бұл мәселелер шешілді, өнімдер одан әрі өтуі мүмкін. Бұл жүйелі құбылыс, ол жылына бірнеше рет орын алады. Тараптар мұндай олқылықтың пайда болғаны туралы алдын ала хабардар етіледі”, –дейді сауда саясатын дамыту орталығы бас директорының орынбасары Нұралы Бөкейханов.

Талқылау