20 маусымда ел аумағының басым бөлігінде жауын жауады

20 маусымда Қазақстан аймақтарының басым бөлігінде атмосфералық фронтальды бөліктердің өтуіне байланысты жаңбыр жауады, найзағай болады, жел күшейеді. Еліміздің оңтүстік-шығысында жауын-шашынсыз ауа райы күтіледі, деп хабарлайды Қазгидромет.

Ақмола, Қызылорда, Павлодар облыстарында, Маңғыстау, Қостанай облыстарының  күндіз кей жерлерінде жел 15-20 м/с күшейеді.

Оңтүстік Қазақстан облысының күндіз кей жерлерінде жел 15-20 м/с күшейеді.

Атырау, Ақтөбе, күндіз  Батыс Қазақстан облыстарының кей жерлерінде найзағай болады. Күндіз Солтүстік Қазақстан облысының кей жерлерінде тұман күтіледі, жел 15-20 м/с күшейеді, найзағай болады.

Қарағанды облысының кей жерлерінде жел 15-20 м/с күшейеді, найзағай болады, бұршақ болуы ықтимал.

Шығыс Қазақстан облысының кей жерлерінде жел 15-20 м/с күшеюі күтіледі, найзағай болады, күндіз бұршақ болуы ықтимал.

Күндіз Атырау, Батыс Қазақстан облыстарында қатты ыстық күтіледі, Маңғыстау облысында қатты ыстық, кей жерлерінде өте аптап ыстық болады.