Басына бес сантиметрлік кілт кіріп кеткен жігіт аман қалды
Үндістанда Махараштра штатының 19-жастағы тұрғынының басынан бес сантиметрлік мотоциклдің кілті алынды.
Бұл туралы Daily Mail хабарлады, деп жазады Stan.kz ақпараттық агенттігі.
19 жастағы жас жігіт төбелес кезінде жарақат алып, ауруханаға түскен. Төбелес кезінде жарақат алған жігіттің басынан кілттің ұшы ғана көрініп тұрған. Ал кілттің шапқысы оның бас сүйегін тесіп, шамамен бес сантиметрге дейін кіріп кеткен.
Тексеруден кейін жас жігіттің бас сүйегін тесті.
«Ота үш жарым сағатқа созылды. Науқастың басындағы кілтті алып тастау үшін оның бас сүйегін аштық», – дейді нейрохирург Шайлендра Уттамрао Маркад.
Дәрігердің айтуынша, егер жарақат кезінде ішке қан кетсе, науқас өліп кетуі мүмкін еді. Бас сүйекке жасалған ота сәтті аяқталып, жас жігіт үш күннен кейін ауруханадан шығарылды.
«Ол отадан кейін толық қалпына келді, қазір оның жағдайы жақсы, – дейді дәрігер.
Тағы оқыңыз:
СІМ: Канадада зардап шеккендер арасында қазақстандықтар туралы мәлімет жоқ
Шымкенттегі өзіне қол салған мұғалімнің інісі де былтыр өзі секілді асылып қайтыс болған
Шымкентте әйелдерді сабауға арналған “жын шығаратын” қамшылар сатылып жатыр (видео)