Алматы-2 вокзалында жолаушылар вагоны өртенді (видео)
Алматы-2 вокзалында жолаушылар вагонынан өрт шығып, оқиға болған аймаққа төтенше жағдай қызметкерлері жедел жеткен. Бұл туралы ҚазАқпарат хабарлайды.
“19 қаңтар күні сағат 08:40 шамасында Алматы қалалық ТЖД “101” кезекші бөліміне Алматы-2 теміржол вокзалында бекеттің қосымша жолында орналасқан қосалқы жолаушылар вагонының өртенгені туралы хабар келіп түсті. Барлық құтқарушы күш бірден жұмылдырылды. Алғашқы өрт сөндірушілер оқиға орынына сағат 08:51-де жетті. Өртке қарсы қызмет өкілдері түтін басқан вагон ішінде адамдардың жоқтығын және өрттің шығу себептерін тексерді. Өрт сағат 09.10-да сөндірілді. Өрттің шарпыған аумағы 20 шаршы метрді қамтыған”, – деп хабарлады Алматы қалалық ТЖД ресми өкілі Сандуғаш Баймұхмбетова.
Оқиға салдарынан құрбан болғандар мен зардап шеккендер жоқ. Алдын-ала дерек бойынша, жағылған пештің қараусыз қалдырылуы салдарынан өрт шыққан болуы мүмкін.
Оқи отырыңыз:
Халыққа қызмет көрсету орталығында тағы бір адам қайтыс болды (видео)
Қырғызстанда ұшақ тура ауылдың үстіне құлады (фото, видео)