Журналист Мақсат Толықбай қазақстандықтарды онлайн-диктантқа қатысуға шақырды
Тележүргізуші, журналист Мақсат Толықбай қазақстандықтарды 15 желтоқсанда өтетін онлайн-диктантқа қатысуға шақырады.
“Қазақ халқын қазақ тілінде сауатты болуға, сауатты жазуға шақырамын! Stan.kz ақпарат агенттігі осымен екінші мәрте онлайн диктант ұйымдастырып отыр. Осы шараға қатысып, сауатыңызды тексеріп көріңіз. Ал мен өз тарапымнан белгілі жазушы Бейбіт Сарыбайдың шығармасынан қысқаша үзінді оқимын. Айтпақшы, қатесіз жазғандарға бағалы сыйлықтарымыз да бар. Қатысыңыздар, іске сәт!” – деді журналист.
Айта кетсек, Мақсат Толықбай – диктант мәтінін оқитын спикерлердің бірі. Сонымен қатар жазба жұмысының мәтінін оқитындардың қатарында тележүргізушілер Жанат Бақыт пен Анна Данченко да бар.
Бұған дейін диктант мәтіні ретінде жазушы, ақын Бейбіт Сарыбайдың шығармасы алынғанын айтқан болатынбыз.
Диктанттың басталу уақытын қалт жіберіп алмас үшін біздің Stan.kz Play Market және AppStore-дан жүктеп алуға кеңес береміз.