Жүргізушілер жолдардың сапасы ақшасына сай емес екенін айтты. Қазавтожол қаржыландыру жеткіліксіз және қарыз адамдардың көп екенін айтты. Бүгінгі таңда жүргізушілер арасындағы берешек – 6 миллиард теңге.

Олег – тәжірибелі жүк көлігінің жүргізушісі. 20 жыл ішінде фурамен елді толық аралаған. Қазір жүк тасымалдаумен айналысады. Қазақстандағы жолдардың сапасы көңіл көншітпейді дейді ол. Жол ақылы болса да, қауіпсіздік пен қолайлылыққа жауап бермейді.

“Бірде-бір қорғалатын тұрақ жоқ. Жүк пен көлікті де күзете отырып, демалуға уақыт болуы керек. Жабайы жануар да, мал да жүреді. Сапасы әлдеқайда жақсы болуы керек. Қыста қар, дауыл тұрса, жолдар жабылады. 2-3 күн тұруға мәжбүр болады. Не үшін ақша төлейтініміз мүлдем түсініксіз”, – деді жүк тасымалдаушы.

Қазавтожол өкілдерінің айтуынша, жүргізушілер төлейтін ақша жолдарды жақсы жағдайда ұстап тұруға жеткіліксіз.

“Әр жолдың өз ресурсы бар. Қаржыландырудың шегін ескере отырып, әр бес жыл сайын орташа жөндеу жұмыстарын жүргізуіміз керек. Ақылы түрде тек техникалық қызмет көрсету және жөндеу жұмыстарын жүргіземіз”, – деді "ҚазАвтоЖол" ҰК " АҚ Ақылы жолдар дирекциясы филиалының жолдарды пайдалану бөлімінің бастығы Тимур Әлімов.

Депутаттар еліміздегі ақылы жолдардың құрылысы мәжбүрлі шара деп санайды. Қазақстанның аумағы үлкен болғандықтан, мемлекет оны толық көлемде асфальтпен жаба алмайды. Мәжілісмен Альберт Рау жабынның сапасы әрдайым нормаларға сәйкес келе бермейтінімен келіседі.

“Солтүстікте әлі де тосқауыл жүйесі бар. Іс жүзінде қарыз жоқ. Оңтүстікте тосқауыл жоқ, өйткені трафик көп, ал тосқауыл кептеліске әкеледі. Бүгінгі таңда жергілікті тасымалдаушылар 4 млрд және транзиторлар 2 млрд қарыз”, – деді Парламенті Мәжілісі төрағасының орынбасары,"AMANAT" фракциясының мүшесі Альберт Рау.

Айта кетейік, еліміз бойынша 25 мың шақырым республикалық жолдар бар. Оның 11 учаскесі - ақылы. Бұл екі мың шақырымнан сәл асады.

Талқылау