"Жүрегіне пышақ сұққан": Екібастұзда бойжеткен сүйіктісін көшеде өлтіріп қойды
Фото: Жасанды интеллект көмегімен жасалған
Екібастұзда бойжеткен азаматтық жұбайын жүрегінен пышақпен ұрған. Ер адам оқиға орнында қаза тапты. Бұл туралы Stan.kz ақпарат агенттігі хабарлайды.
Әлеуметтік желілерде Екібастұзда болған адам өлтіру оқиғасы туралы ақпарат тарады. "Экибас в теме" Telegram арнасының хабарлауынша, оқиға 28 қазанда "Әсет" дүкенінің маңында болған. Жанжал кезінде қыз азаматтық жұбайын жүрегінен пышақпен ұрған. Ер адам алған жарақатынан оқиға орнында қаза тапқан.
Павлодар облысы Полиция департаментінің баспасөз қызметі агенттікке берген түсініктемесінде:
Фото: Видео кадрларынан
"Адам өлтіру фактісі бойынша полиция сотқа дейінгі тергеуді бастады. Тергеудің мақсаты – оқиғаның барлық мән-жайын жан-жақты және объективті анықтау. Күдікті анықталып, ұсталды және Екібастұз қаласының уақытша ұстау изоляторына қамалды", – деп хабарлады ведомство.
-
Таразда аялдамада тұрған қызды күштеп алып қашқан үш күдікті қамауға алынды
-
Алматы әкімінің экс-орынбасары Ержан Бабақұмаровты ұрып өлтіріп кетті
Полицияның мәліметінше, барлық қажетті тергеу шаралары заң талаптарына сай жүргізіліп жатыр.
Халық елде жұмыс, үкімет 500 мыңға жұмыс істейтін адам жоқ дейді. Елде жоғары айлықты кімдер алады?
