Жұлдыздар күлкі күнінде қалай алдады

Орыстың ұлы жазушысы  Лев Толстой күлкіні “әсемдік” деп бағалап, оның 97 түрін анықтаған екен. Алайда, оның тек бірнеше түрі ғана ел арасында белгілі. Олар – жымию, езу тарту, қарқылдау, мысқылдау, жырқылдау. Ал, әншілердің күлкілері солардың қай түріне жатады? Оны бірге ажыратып көрейік.

Фото: instagram.com/kamshat__zholdybayeva/?hl=ru

Бұл туралы “31” арна хабарлады.

Түріне қарасаң сызылып қалған әнші әрі актриса Кәмшат Жолдыбаеваның “Тракторшының махаббаты” телехикаясындағы образы талайды күлкіге көмген еді. Алайда, өзі де өмірде талай адамды алдаған. Әсіресе, жігіт қауымын тез алдап соғады екен.

“Сен шық үйден, жоқ, сен шық үйден дейміз. Құлағымыз қанап жатыр. Лақ жағып алдық. “Ойбай жүр кеттік больницаға барайық” деп Алматыға қонаққа келген жігітті алып шықтық. Сөйтіп машинасына отырғызып аламыз да, қазір оңға, енді солға деп  өзіміз тұратын ауданымызды аралаттық. Оның есіне ештеңке келіп отырған жоқ, ол бәріне сеніп отыр”, – дейді әнші Кәмшат Жолдыбаева.

Фото: xmusic.kz

Сахнада тек ән салып қана қоймай, оған қоса жұлқынып тұрып би билеп ерекшеленетін “Алашұлы” тобы өздерінің кейбір ебедейсіз қылықтарымен халық алдында талай күлкіге қала жаздаған. Бұл туралы “Мейрамхана кішкентай екен, ол бізге тарлық қылып тұрды. Әзімбек оң жағымда тұрған. Жұлқынып айтып жатқан кезде  шынтағым Әзімбектің қолына тиіп, микрофон үстелдің астына түсіп кетті. Менің партиям біткенше қалай да үлгеруі  керек болды. Үстелдің астына кіріп микрофонды жөндеп алды. Артынша үстелдің астынан атып шығып ән айтты.

Осы  оқиғадан кейін топ мүшелері сахнада, тойда болсын, бір-біріне аса жақын тұрмауға тырысатын болған.

Фото: stan.kz

Ал, елге “күлмес ханшайым” болып танылған әнші Баян Нұрмышева Ерлан Орынбасаровқа тұрмысқа шыққалы бері, әзіл мен қалжыңнан көз ашпай келеді. Ерланның шамадан тыс алдайтыны сонша, Баян үйіне ұры түскен күнде де сенбейтіндей дәрежеге жеткен.

– Үйді бір рет тонаған кезде, мен телефонымды Ерланнан сұрадым. Телефоным қайда деп, сонда біздің үйге ұры түскен деген  кезде мен сенбей қойдым. Сен қалжыңдап жатырсың, ойнап жатырсың деп қоямын. Осылайша сенбей қойғаным бар, – дейді Баян Нұрмышева.

Тіпті, соңғы бейнебаянын түсірген кезде операторлар мен режиссерлердің қаржысын тығып қойған. Сөйтіп, Ерлан Баянды тағы да ары-бері сенделткен.

Фото: ped.kz

Актер Асқар Наймантаев үшін күнде күлкі күні. Елдің бәрі одан тек әзіл күтеді. Сондықтан болар, бір күн әзіл айтпаса басының сақинасы ұстап қала береді екен.

– Гитекеңді алдауды ұнатамыз. Қатты жаңбыр жауған күні, машинасы өшіп қалыпты, ішінде толған бала-шаға. Ұланға звондап шақырған, оны неге оталмай тұрғанын түсінсе де, түсінбеген болып Мұхаңның машинасын Талғарға дейін троспен сүйретіп апарды, – дейді Асқар Наймантаев.

Бүгінде актер “Бәрекелді” әзіл-сықақ театрының актері. Жаңа ізденіс үстінде.

Сейіт Кенжеахметұлының сөзімен айтатын болсақ, “Күлдіре білу – өнер, күле білу – өмір, ал күлкі болу – өлім” деген екен.

Естеріңізге сала кетсек, Мақпал Исабекованың Инстаграмда ертегі айтып әзілдеймін деп күлкіге қалғаны туралы хабарлаған болатынбыз.