Жүкті әйелдерде коронавирусқа қарсы вакцинаның бірінші дозасынан кейін антиденелер аз болады
Коронавирустық вакцинаның бірінші дозасынан кейін жүкті және бала емізетін әйелдердің иммундық реакциясы төмендейді. Мұндай тұжырымды Дьюк университетінің ғалымдары (Солтүстік Каролина) өз зерттеулерінде жасады, деп хабарлайды Stan.kz ақпарат агенттігі.
Moderna вакцинасы мен Pfizer және оның неміс серіктесі BioNTech екпесінің бірінші дозасынан кейін, жүкті және бала емізетін әйелдер жүкті болмаған әйелдерге қарағанда антидене титрінің төмендеуіне және иммунитеттің әлсіреуіне ұшыраған. Сонымен қатар толық вакцинациядан кейін жүкті емес, бала емізетін және жүкті әйелдердің айырмашылығы аз болды. Сонымен қатар бала емізетін әйелдерде туа біткен иммунитеттің жұмысына жауап беретін НК жасушаларының саны артқанын көрсетті.
Ғылыми аударма медицинасы мақаласында жарияланған зерттеуге сәйкес, зерттеуге қатысқан барлық бала емізетін және жүкті әйелдерге жүктіліктің соңғы үш айлығында вакцинация салынды. Бұл ғалымдар бірінші вакцинациядан кейін иммундық жауаптың төмендеуіне ықпал еткен болуы мүмкін деп санайды.
“Бұл нәтижелер жүктіліктің ерте кезеңінде вакцинациялау және кейінірек күшейтетін доза плацента мен емшек сүті арқылы антиденелердің таралуын барынша арттыруға көмектесетінін көрсетеді”, – деп қорытындылады ғылыми жұмыстың авторлары.
Жүкті әйелдер коронавирусқа қарсы екпені қашан алғаны дұрыс?