Соңғы жаңалықтар
Соңғы жаңалықтар

Жүкті әйелдер дәлізде жатыр: Ақтаулықтар перхентханадағы орын жетіспеушілігіне шағымданды

Облыстық перинаталдық орталықта жүкті әйелдердің дәлізде жатуына байланысты Маңғыстау денсаулық сақтау басқармасы түсініктеме берді. Науқастардың өздері палаталардың орнына әйелдерді аурухана дәліздеріне орналастыратыны туралы айтты. Бұл туралы Stan.kz ақпарат агенттігі Lada.kz басылымына сілтеп хабарлайды. 

лада

Ақтау қаласының тұрғыны Насиба Балтаева жүктілігінің жетінші айында жатқан әпкесі облыстық перзентханаға гемоглобині төмендеп, ісіне бастаған соң барғанын айтады. Оның айтуынша, дәрігерлер әйелді және басқа науқастарды дәлізде орналастырып, палаталарға жатқызбапты.

Мұндай әрекетің себебі - палаталарда орындардың болмауы. Балтаева перзентхананың суреттерімен желіде бөлісті.

"Ол ауруханаға таңғы 10-да түсті. Дәрігерлер оны палатаға орналастырудан бас тартты. Бұл ОПО-да (облыстық перинаталдық орталықта-ред.) орын жеткіліксіз екенін түсіндіреді. Оның жанында дәлізде басқа жүкті әйелдер әлі де жатыр. Дәліз - өте суық. Әпкемнің қайын енесі көрпе әкеліп берді. Мұндай үлкен ғимаратта орын жетпейтінін түсінбеймін", - деді Балтаева басылым тілшілеріне.

Басылым Маңғыстау облысының облыстық перинаталдық орталығы 2018 жылдың қазан айында жаңа ғимаратқа көшкенін жазады. Оның ауданы 20 мың шаршы метрді құрайды.

Бүгін облыстық денсаулық сақтау басқармасы оқиға туралы түсінік берді. Олар жүкті әйелдерді дәліздерге орналастырғанын мойындады. Бірақ бұл шара уақытша екен.

"Бұл сирек кездесетін жағдай және уақытша. Соңғы екі күнде "ана мен бала" перинаталдық орталығының жүкті әйелдердің патологиясы бөліміне 39 әйел келіп түсті. Айта кету керек, Маңғыстау облыстық перинаталдық орталығында бүгінде 250 әйелдің орнына 277 жүкті әйел жатыр. Коронавирустық инфекциясы бар тағы 13 жүкті және босанғаннан кейінгі әйелдер оқшауланған, олар бөлек блокты алып жатыр", - деп атап өтті ведомствода.

Алайда желі қолданушылары 20 мың шаршы метрлік ғимаратта орын жетіспейтініне таңғалды. 

Талқылау
Пікір
Қазір оқып жатыр
Çàãðóçêà...
Қазір оқып жатыр