Жол апатынан соң Xiaomi электромобилінің есіктері бұғатталып, жүргізуші өртеніп кетті

Қытайдың Чэнду қаласында жол апаты болып, Xiaomi SU7 Ultra электромобилі өртеніп кетті. Көлік есіктерді бұғаттап, құлыптағасын жүргізуші өртеніп жатқан көліктен қашып құтыла алмаған.  Бұл туралы Stan.kz ақпарат агенттігі Car News China басылымына сілтеме жасап хабарлайды.

Куәгерлердің тоқтап, есікті ашпақ болғанын көруге болады. Десе де есік ашылмады, сондықтан өтіп бара жатқандар әйнекті сындыруға тырысты. Бұл әрекет те сәтсіз аяқталды. Жергілікті БАҚ құтқарушылардың оқиға орнына кейін жеткенін, өрт әлдеқашан лаулап үлгергенін хабарлады. Жүргізуші мерт болды.

Чэнду қаласының билігі мен Xiaomi Auto өкілдері жағдайға әзірге түсініктеме берген жоқ. Осы уақытта Қытайдың әлеуметтік желілерінде Xiaomi электромобильдерінің қауіпсіздігі туралы пікірталастар басталды. Апаттан кейін компанияның акциялары 6,5% арзандады.

Төтенше жағдайларда көліктің есіктері автоматты түрде ашылуы керек еді. Бұл қауіпсіздік жүйесі Xiaomi электр көліктерінде кейде жұмыс істемейді.

Чэндудағы апаттан басқа, наурыз айында SU7 электр көлігінің есіктері құлыпталып, өрттен үш студент қыз қаза тапты. 

Xiaomi электр көліктерінде апаттық есіктерді босату тұтқалары бар. Көліктің әрбір есігінде осындай тұтқалар бар. Барлық жүргізуші олардың бар екенін білмейді немесе дүрбелең кезінде оларды тартуды ұмытып кетуі мүмкін.