Жетісу облыстық төтенше жағдайлар департаментінің басшысы ұсталды

Жетісу облысы төтенше жағдайлар департаментінің бастығы Бауыржан Ізбасаров ұсталды. Бұл туралы Stan.kz ақпарат агенттігі хабарлайды. 

Сыбайлас жемқорлыққа қарсы іс-қимыл агенттігінің ресми өкілі Арман Тілеукенов ақпаратты растады. 

"Оның сыбайлас жемқорлыққа қатысы барын растаймыз. Тергеу мүддесі үшін өзге де ақпарат жариялауға жатпайды", –  деді ол. 

Сонымен қатар ол біраздан соң толық ақпараттың жарияланатынын айтты.

Естеріңізге сала кетейік, Бауыржан Ізбасаров 2022 жылдың тамыз айында Жетісу облысы төтенше жағдайлар департаменті басшысы қызметіне тағайындалған болатын.