Маңғыстау облысындағы кен орнының маңында жер екіге бөлініп кеткен

Әлеуметтік желіде Маңғыстау облысы, Жетібай ауылында жердің екіге бөлініп, үлкен сызат пайда болғаны туралы видео тарады. . Бұл туралы Stan.kz ақпарат агенттігі хабарлайды. 

Фото видеодан алынған 

Видеода жердегі сызаттың 2 шақырымға созылып жатқаны айтылған. Қарақиян ауданының әкімдігі жағдайға қатысты түсініктеме берді.

Әкімдік мәліметінше, видеодағы жер Жетібай ауылындағы Асар кен орнының солтүстігінде орналасқан, “ГУ-28” деп аталады.

Қарақиян ауданының әкімдігі "Маңғыстаумұнайгаз" АҚ зардаптарының себептерін анықтау және зерделеу мақсатында тиісті мекемемен келісім-шарт жасау жұмыстары жүргізіліп жатқанын хабарлады.

"Сонымен қатар, тұрғындар мен шаруа қожалық иелерінің қауіпсіздігін қамтамасыз ету мақсатында "Маңғыстаумұнайгаз" АҚ қолдауымен жерді тегістеу үшін арнайы техникалар бөлу жұмыстары жүргізілуде", – делінген әкімдік хабарламасында.