"Жеті адам құтырмадан көз жұмған": Таиландта қауіпті аурудың таралуы туралы ескертті
Фото: agoch.ru
Жануар шаруашылығын дамыту департаменті шұғыл түрде Бангкок пен Самутпраканның кейбір аудандарын уақытша індет аймақтары деп жариялап, иттерді, мысықтарды және басқа да сүтқоректілерді 30 күн бойы тасымалдауға тыйым салды. Бұл туралы Stan.kz ақпарат агенттігі Nationthailand.com порталына сілтеме жасап хабарлайды.
Бұл бұйрық 8 қазанға дейін күшінде болады. Оқиға адамдарға, иттерге, мысықтарға, ірі қара малға, буйволдарға және басқа да жануарларға таралуы мүмкін елеулі қауіп ретінде жіктелді.
Билік тұрғындарды аса сақ болуға және қаңғыбас жануарлармен байланысқа түспеуге шақырады.
Тай PBS телеарнасының деректеріне сәйкес, 2025 жылдың басынан бері елдің алты провинциясында жеті адам құтырмадан көз жұмған.
Жануар иелері кез келген ауру белгілері туралы 12 сағат ішінде хабарлауы тиіс, ал өлген жануарлардың денесі ветеринарлар келгенше қозғалтылмай сақталуы керек.
Қаулыны бұзғандар екі жылға дейін бас бостандығынан айырылуы немесе 40 000 бат (1600 АҚШ доллары) көлемінде айыппұл төлеуі мүмкін.
"Дұрыс бөлшектемей, шикі күйінде жеу өте қауіпті": Ақбөкен етін тұтыну қаншалықты қауіпсіз
Еске салайық, бұған дейін қазақстандық әйел мысық тістеген соң көз жұмғанын жазған едік. Мысық тістеген соң әйел құтырма ауруының клиникалық белгілерімен Лисаков қалалық ауруханасына жеткізілген. Медициналық көмек туралы өтініш кеш түсіп, науқасты аман алып қалу мүмкін болмаған. Қостанай облысында 2020 жылдан бері құтырма ауруынан қайтыс болу жағдайы бірінші рет тіркеліп отыр. Құтырма – вирус арқылы таралатын аса қауіпті инфекциялық ауру. Аурудың инкубациялық кезеңі ұзаққа созылып, орталық жүйке жүйесін (энцефаломиелит түрінде) зақымдайды және 100% өліммен аяқталады. Сондықтан құтырмаға қарсы вакцина аурудың алдын алудың жалғыз тиімді жолы.
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
