Жер ең нашар климаттық апат қаупінің алдында тұр
Мұздықтардың еруі планетаны климаттың жылынуының ең жағымсыз сценарийіне әкелуі мүмкін. Бұл туралы EurekAlert пресс-релизінде жарияланған зерттеуде жазылған, деп хабарлайды Stan.kz ақпарат агенттігі.
Жылдам еріп жатқан Гренландия мен Антарктиданың мұз қабаттары 90-шы жылдардан бастап теңіз деңгейін 1,8 сантиметрге көтерді.
Климаттың өзгеруі жөніндегі үкіметаралық комиссияның пікірінше, бұл планетадағы температураның жылынуының ең нашар сценарийіне сәйкес келеді.
Ұлыбританиядағы Лида университеті мен Дания метеорологиялық институтының ғалымдары мұздықтардың еруі осы қарқынмен жалғасса, мұхит деңгейі тағы 17 сантиметрге көтеріліп, ғасырдың аяғында 16 миллион адамның тіршілік ету ортасына әсер ететін су тасқынын күшейтеді деп болжайды.
"Мұздықтардың тез еруі біз басқаратын климаттық модельдерді басып озады және біз теңіз деңгейінің көтерілуіне байланысты қауіп-қатерлерге дайын болмауымыз мүмкін", - дейді зерттеушілер.
Ғалымдардың соңғы бақылаулары көрсеткендей, қазір мұхиттар жыл сайын 4 миллиметрге көтеріліп келеді.