Желіде Қуандық Бишімбаевтың “ұсталғаннан кейінгі” фотосы пайда болды
Әлеуметтік желіде бұрынғы ұлттық экономика министрі Қуандық Бишімбаев бейнелеген фотосы тарап жатыр. Бұл туралы Stan.kz ақпарат агенттігі хабарлайды.
Фото әлеуметтік желіден алынды
Суретте экс-шенеунікті полиция қызметкерлері қоршап алған. Желі қолданушылары суреттің Астанада 9 қараша күні түсірілгенін жазған. Сурет Бишімбаевты ұстау кезінде түсірілгені айтылды.
Еске салсақ, бұрынғы экономика министрі Қуандық Бишімбаев әйелін ұрып өлтірді деген күдікпен ұсталғанын хабарлаған едік. Кейіннен марқұм әйелінің қазасына қатысты жаңа деректер пайда болып, оның жүкті болуы мүмкін екені айтылды.
Бұрын сыбайлас жемқорлық айыбымен 10 жылға сотталған экс-шенеунік түрмеден мерзімінен бұрын босап шыққан. Әлеуметтік желіде кейбір қолданушылар “егер түрмеден босатпағанда, мұндай ауыр қылмыс болмас еді” деп, сотқа көңіл толмаушылық білдіруде.
Талқылау